ҚР Парламенті Сенатының депутаттары Ә.Бектаев, М.Қадырбек және А.Сатыбалдиев Мақтаарал ауданына жұмыс сапарымен келіп, ауданның әлеуметтік-экономикалық жағдайымен танысты және өңірдің өзекті мәселелерімен танысты.
Сенаторлар алдымен Атакент кентіндегі 1500 орындық жаңа мектептің құрылысымен танысты. Бұл мектеп «Жайлы мектеп» жобасы аясында салынуда, оның мақсаты оқушыларға сапалы білім беру мен педагогикалық құрамды дамытуға жағдай жасау. Сонымен қатар, Мақтаарал ауданында тағы 4 мектептің құрылысы жоспарланған.
Содан кейін депутаттар ауданның индустриалды аймағындағы «BEGASH» ЖШС-іне қарасты екі зауыттың құрылысымен танысты. Бірі тамшылатып суғару жүйесіне қажетті құрал-жабдықтар шығарады, ал екіншісі мақта тұқымын өңдеумен айналысады. Әр зауыттың құны 1,5 млрд. теңге, және олар 2025 жылы іске қосылады.
Мақтааралдық шаруалар мен шаруашылық басшыларымен кездесу барысында ауыл шаруашылығы мен кәсіпкерлікті дамытуға бағытталған ұсыныстар мен пікірлер тыңдалды, мемлекеттік қолдау шаралары туралы ақпарат берілді.
Ауданның индустриалды аймағында өткен жылы «Жанасыл» мақта өңдеу зауыты іске қосылды, ол тәулігіне 600 тонна мақта өңдеп, түрлі өнімдерді шығарады. Зауыт өнімдерін Қытай, Түркия, Еуропа, Тәжікстан, Иран, Қырғызстан елдеріне экспорттайды.
Мақтаарал ауданының индустриалды аймағында жалпы жер көлемі 24,2 гектарды құрайды, және осы аймақта 5,45 млрд. теңге көлемінде 4 инвестициялық жоба іске асырылған. Алдағы уақытта тағы 2 млрд. теңге көлемінде 4 жоба жүзеге асырылмақ.
