ТРАМПТЫҢ ТАРИФТЕРІ ЖАЙЛЫ:
АҚШ-тың Халықаралық сауда жөніндегі федералды соты президент Дональд Трамп импортқа жаһандық тарифтерді енгізу кезінде өз өкілеттігін асыра пайдаланды деп шешіп, оларды бұғаттауға бұйрық берді. Бұл американдық көшбасшының экономикалық саясатының негізгі элементіне ауыр соққы болды.
Манхэттенде орналасқан сот сонымен қатар АҚШ Конституциясы Конгресске басқа елдермен сауданы реттеу бойынша айрықша өкілеттіктер беретінін және президенттің экономиканы қорғау жөніндегі өкілеттігі Конгрестің өкілетін жоққа шығара алмайтынын айтты.
Телекомпанияның мәлімдеуінше, сот қаулысы Қытайға қатысты 30 пайыздық баж салығын, Мексика мен Канададан әкелінетін кейбір тауарларға баж салығының 25 пайызын, сондай-ақ АҚШ-қа әкелінетін тауарлардың көпшілігіне баж салығының 10 пайызын тоқтатады.
Сонымен бірге, бұл сауданы кеңейту туралы заңның 232—бөліміне сәйкес келетін автомобильдерге, автомобиль бөлшектеріне, болатқа немесе алюминийге салынған 25% -қ тарифтергеи әсер етпейді, деп жазады CNN.
ФРАНЦУЗ ДӘРІГЕРІ — ЗҰЛЫМ ПЕДОФИЛ ЕКЕН!
Педофилге — 20 жыл бас бостандығынан айыру: Францияда жүздеген баланы зорлады деген айып тағылған дәрігерге үкім шығарылды
Францияда 300-ге жуық баланы зорлады деп айыпталған дәрігер Джоэль Ле Скуарнектің ісі бойынша сот процесі аяқталды. Жәбірленушілердің орташа жасы 11 жасты құрайды. Сот 74 жастағы Ле Скуарнекті 20 жылға бас бостандығынан айырды.
Ле Скуарнек 1989 жылдан 2014 жылға дейін, негізінен Бретаньда, өзінің бұрынғы пациенттері болган 299 баланы, көбінесе анестетиктердің әсерінде ессіз жатқан кездерінде зорлады деп айыпталды.
Ол барлық айыптар бойынша кінәсін мойындады. Прокуратураның мәліметінше, оның болжамды құрбандарының едәуір бөлігі анестетиктердің әсерінде болған кездерінде зорлыққа душар болғандықтан бұл туралы ештеңе білмеген.
ИЗРАИЛЬ ХАМАСТЫҢ КЕЗЕКТІ БАСШЫСЫНЫҢ КӨЗІН ЖОЙДЫ
Газадағы Хамастың жаңа басшысы Мұхаммед Синвар өлтірілді — деп мәлімдеді Израиль премьер-министрі
Израиль премьер-министрі Нетаньяху Израиль армиясы Газа аймағында өткен арнайы шара барысында ХАМАС жетекшісі Мұхаммед Синвардың «көзін жойды» деп мәлімдеді. Мұхаммед Синвар — өткен күзде өлтірілген ХАМАС лидері Яхья Синвардың туған ағасы.
13 мамырда Израиль армиясы Газа секторының оңтүстігіндегі Хан Юнис қаласындағы Еуропалық аурухананың аумағына қатты соққы берді. Армия бұл соққы ХАМАСТЫҢ жер асты инфрақұрылымына бағытталған еді деп мәлімдеді,
СОҒЫС ТЫНЫСЫН ӨЗГЕРТЕТІН ЖАҢАЛЫҚ
Осы аптаның басында Германия канцлері Мерц Батыстың (Германия, АҚШ, Франция, Ұлыбритания) Украинаға алыс қашықтықтағы қаруды қолдануға қатысты кез келген шектеулерді алып тастағанын мәлімдеді. Және Германияның қарудың осы түрін жасауда Украинаны қолдауға дайын екенін, 5 млрд евро бөлетінін мәлімдеді.
