Бұған дейін Ресей Федерациясы Президентінің көмекшісі Юрий Ушаков БАҚ-қа Ресей бірқатар елдерден, соның ішінде Қазақстаннан БРИКС-пен серіктес болуға дайын екендігі туралы растау алғанын мәлімдеді. Кейбір елдер бірден толыққанды қатысқысы келді, ал басқалары бақылаушы ретінде жекелеген іс-шараларға қатысқысы келді.
«Саммиттің маңызды нәтижелерінің бірі БРИКС әріптес елдер санатын құру және 13 мемлекеттің тізімін келісу екені даусыз. Бұл мемлекеттерге тиісті ұсыныстар жіберілді. Бүгінгі күнге дейін БРИКС-пен серіктес мемлекет болуға дайын екендіктерін растау Беларусь, Боливия, Индонезия, Қазақстан, Куба, Малайзия, Таиланд, Уганда және Өзбекстаннан келіп түсті»,- деді Ресей президентінің көмекшісі брифингте.
Сонымен қатар, ол «жақын арада тағы төрт елден жауаптар келіп түседі, оларға да шақырулар жіберіледі.
Бұған дейін Президенттің кеңесші – баспасөз хатшысы Берік Уәли, Қасым-Жомарт Тоқаевтың атына Қазақстанның БРИКС-ке кіруі туралы ұсыныстар түскенін хабарлаған болатын. Уәли бұл ұсыныстарды Мемлекет басшысы Мұқият қарағанын және оның тапсырмасы бойынша тиісті ведомстволар Қазақстанның ұлттық мүдделері тұрғысынан талдайтынын атап өтті.
