Еңбекші ауданы полиция Басқармасының басшылығына
Осы шілде айының басында интернет-алаяқтар тобы әлеуметтік желі арқылы менің жеке мәліметтерімді ұрлап, менің атымнан бірнеше банкілерден кредит рәсімдемек болды. Полицияға шұғыл звандадым. Артынша «қарсы әрекет орталығы» дегеннен бір әйел звандап, маған «жәрдем» көрсете бастады. Және мені полициядан түрлі себептермен қашқақтатуға тырысты. Егер шақырған жерге шұғыл жеткен сіздің ауданыңыздың қызметкері, учасковый Мейірманқұлов Әлиасқардың шұғыл да батыл араласуы болмаса, алаяқ хакерлер тобы тіпті менің видеосұхбатымды да алып үлгіретін еді. Мейірманқұлов оларды тез тоқтатты да жедел тергеу тобын шақыртты, ал олар өз кезегінде интернеттік сауаттарының алаяқтардан еш кем емес екенін көрсетті, және менің телефоным арқылы менің е-гов-ыма кіріп, сол жерден мен білмейтін “ешқандай кредит алып жатқан жоқпын, алмаймын да” деген функцияны іске қосып, мені мынадай қауіптен құтқарып жіберді. Егер осы кісілер болмағанда, күйеуім түрмеде, ал өзім кәмелетке толмаған төрт баламның асыраушысымын, үлкен қиындыққа душар болатын едім. Осы хат арқылы әлгі шынайы ел қорғаны бола алған жігіттерге алғысымды білдіргім келеді және осындай абзал азаматтарды Сіздер де біздің атымыздан сый-құрметке бөлесеңіздер екен деп сұранамын.
Базарова Мінажат.
